அரசியலின் முகங்கள்

நினைவுகளின் அறையிலிருந்து தூசு தட்டிப் பார்க்கிறேன். பெயர் தெரியாத ஏதோவொரு படத்தில் விவேக்கின் நகைச்சுவை ஒன்று உண்டு. சாலையில் அவர்களிடமிருந்து பொருளைத் திருடிப் போகும் ஒருவனை விவேக்கின் நண்பர் துரத்த, அவரைத் தடுக்கும் விவேக் “வேணாம்..அவனத் துரத்தாத.நாளைக்கி அவனே காவல் துறை மந்திரியாக வந்தாலும் வருவான்” என்று கூறி விட்டு “பாரத சமுதாயம் வாழ்கவே..வாழ்க வாழ்க பாரத சமுதாயம் வாழ்கவே” என்று பாடிக் கொண்டு போவார்.

இன்றைய தமிழகத்தின் அரசியல் முகம் இதுதான். எங்கள் ஏரியாவில் நடைபாதையில் காய்கறி கடை வைத்திருப்பவர் ஒரு பெரிய கட்சியின் வட்ட நிர்வாகியாக இருக்கிறார். காய்கறி கடை வைத்திருப்பவர் அரசியலில் பொறுப்பு வகிப்பது சரியா தவறா என்பது வேறு விவாதம். அனுமதி இல்லாமல் நடைபாதையில் காய்கறி கடை வைத்திருப்பவர், அவருடைய அயராத(???) அரசியல் பணியால் அடுத்த சட்டமன்ற தேர்தலில் எங்கள் தொகுதியில் வேட்பாளராகி வெற்றி பெறுகிறார் என்று வைத்துக் கொள்வோம். வட்ட நிர்வாகியாகவே சட்டங்களை உடைக்கிறவர், சட்டமன்ற உறுப்பினாரானால் எதையெல்லம் உடைப்பாரோ? இது எங்கள் தொகுதியில் மட்டுமல்ல. இன்றைக்கு இது மாநிலப் பிரச்சனை. அரசியலின் இன்றைய முகங்கள் எல்லாம் காய்கறி வியாபாரிகளாக, ஷேர் ஆட்டோ டிரைவர்களாக சட்டத்தை உடைத்துக் கொண்டிருந்தவர்கள் தான். இன்றைக்கு சட்டமன்ற உறுப்பினர்களாக முன்னாலும் பின்னாலும் வண்டி வைத்துக் கொண்டு பவனி வருகின்றனர். உறுப்பினர்களாக அவர்கள் இருக்கும் இந்த 5 ஆண்டுகளில் பணம் சம்பாதித்து விடுவார்கள்.பணம் வந்தால் மரியாதையும் தானகவே வந்து நிரந்தர அரசியல்வாதி ஆகி விடுவார்கள்.

சாமனியன் பதவி வகிப்பதைப் பற்றி எந்த பிரச்சனையும் இல்லை. காமராஜரே சிறந்த உதாரணம். அவர் ஏட்டுக் கல்வி பயிலவில்லை. ஆனால் அவருடைய பின்புலம் ஸ்திரமானது. அவர் சுதந்திர போராட்ட இயக்கங்களால் கட்டமைக்கப்பட்டவர். இந்திய சுதந்திரம் என்ற கொள்கைக்காக களத்தில் போராடியவர். மரபினால் அறிவாக்கம் செய்யப்பட்டவர். அவரோடு இன்றைய சாமனியர்களை ஒப்பிடுவது மிகவும் தவறானது.

இன்றைய சாமனிய அரசியல்வாதி சிந்திக்கத் தெரியாதவன். அவனுக்குத் தெரிந்தது வியாபாரம். காய்கறியோ, பழக்கடையோ..அவனுக்குத் தெரிந்தது ஒவ்வொரு நாளும் சரக்கெடுப்பது… அதை அழுக விடாமல் அன்றைக்கே விற்றுத் தீர்ப்பது. இதற்கு மேல் அவர்கள் பழகவில்லை. பொருளாதார சமூக சிந்தனைகளோ, தொலைநோக்குப் பார்வையோ, ஆன்மீக தத்துவ விசாரனைகளோ அற்றவர்கள். வியாபாரிகள். பழக்கடை போல, காய்கறி கடை போல அரசியல் அவர்களுக்கு இன்னொரு தொழில். பணம் சம்பாதிக்கும் தொழில். பதவியில் இருக்கும் போதே ஆள் பலமும், பண பலமும் சேர்ந்து விடுகிறது.

இவர்களை தலைவர்களாக ஏற்றுக் கொண்டு இயங்குகிறது இந்த சமூகம். ஒரு சமூகத்தை வழி நடத்துபவர்கள், எவ்வித சிந்திக்கும் திறனுமின்றி தன்னளவிலே தவறு செய்பவர்களாக இருக்கின்றனர். மக்களும் அவ்வாறே..அரசியல் விடிவு என்பது யுகம் தாண்டிய கனவாகவே இருக்கிறது.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s